Besluite, kom staan voor my elke dag
Maar ‘n warboel gedagtes laat my wag

Moet ek, of moet ek nie?
Sal ek, of sal ek nie?

Wens ek kon in die toekoms sien
Dan was elke besluit, tien uit tien!

Waar kan ek vra?  Waar kan ek hoor?
Of kan ek ‘n besliste antwoord toor?

Kon alles nie net eenvoudiger wees?
Sonder dat ek my palm moet laat lees?

Besluite, kom staan voor my elke dag
Moet ek besluit voor vandag se nag?

Neem weg jou vrae en jou versoeke!
Gaan soek ‘n antwoord in die verste hoeke!