Jy, jy maak my knieë lam
Jy, jy maak my spier tam
Gee my vlinders op my maag
Maak my gedagtes traag

Vir jou wil ek net myne maak

Jy, jy maak my wêreld mooi
Jy, jy maak die rose rooi
Sit huppel in my stap
en wikkel in my lyf

Vir jou wil ek my flikkers gooi

Jy’t my six-love geslaan
Vir ‘n duck uitgeboul
Jou liefdesspel het my ingehaal

Jy’t ‘n drie gedruk
‘n try gescore
my hart het jy op hol gejaag

Jy, jy laat my drome droom
Jy, jy laat my wense wens
Laat my ore suis
My are bruis

Vir jou wil ek net myne maak

Jy, jy laat my voete dans
Jy, jy gee my ‘n tweede kans
Jy gee my hoop
Sit my hart op loop
Met jou sal ek die pad kan loop

As jy aan my vat
wyl ek langs jou lê
Jou lippe teen my ore
as jy daai woorde sê

Maak my mal, mal, mal
m, m, m mal, mal, mal
Ja, jy het my hart gesteel.