Dis Sondagoggend vroeg
Ek’t die nag deurgewroeg
En gewag vir die lui van my selfoon

Jy staan hier voor my deur
Jou hemp is geskeur
En jou skuld is geskryf in jou glimlag

Jy’t beloof jy sal probeer
Vir die honderste keer
Maar ek weet dat beloftes weer gebreek is

Sewentig maal sewe
het ek jou al vergewe
Sewentig maal sewe
sal ek dit weer belewe

Jou beloftes soos die blare
Weggewaai deur winterswinde

Jou oë sal bly soek
Na die lywe in die hoek
van die kroeg waar jy kuier in die aande

Die verskonings wat jy vra
Sal my nie langer pla
Dis verby, vat jou goed en verdwyn net

My liefde het jy versmaai
Jy sal maai wat jy saai
Ek is doof vir jou leë beloftes

Sewentig maal sewe
het ek jou al vergewe
Sewentig maal sewe
sal ek dit weer belewe

Jou beloftes soos die blare
Weggewaai deur winterswinde

(c) Maryke-Anne Janse van Rensburg